ᑎᒥᐅᔪᑦ ᐱᓕᕆᖃᑎᐅᔪᑦ
ᐊᑐᓂ ᖁᓕᓪᓗ ᑕᓪᓕᒪᓪᓗ G6-12ᒥ ᐃᓕᓐᓂᐊᖅᑐᓂ ᓯᓚᑦᑐᓴᕐᕕᓕᐊᕐᓂᕐᒧᑦ ᐸᓐᓇᐸᓪᓕᐊᔪᐃᓪᓗ ᐱᓕᕆᐊᑦᓴᖏᑦ ᑐᓂᔭᐅᔪᑦ ᑮᓇᐅᔭᓂ ᐊᒥᓲᙱᑦᑐᓂᒃ ᐱᓕᕆᖃᑎᖃᕆᐊᓖᑦ ᑎᒥᐅᔪᓂᒃ ᑐᓂᔭᐅᓗᓂᓗ ᐱᓕᕆᖃᑎᖃᕐᓂᒃᑯᑦ ᑎᒥᐅᔪᒥᒃ. ᓇᓪᓕᑐᐃᓐᓇᖏᑦ ᐃᓚᐅᖃᑕᐅᔪᑦ ᐃᓕᓐᓂᐊᕐᕕᖓ ᐅᒡᕙᓘᓐᓃᑦ ᓄᓇᓕᓐᓂ ᑎᒥᐅᔪᖅ. ᑕᑕᑎᖅᓯᒪᔪᖅ ᑐᓂᔭᐅᒋᐊᓕᒃ ᑎᑎᖅᑲᖃᕐᓗᓂ ᐃᑲᔪᖅᑐᐃᔪᒥᒃ ᐱᓯᒪᔪᒥᒃ ᐃᓕᓐᓂᐊᕐᕕᒻᒥ ᑎᒥᐅᔪᒥᓪᓘᓐᓃᑦ. ᑮᓇᐅᔭᐃᑦ ᑐᓂᔭᐅᓂᐊᖅᑐᑦ ᑎᒥᐅᔪᒧᑦ ᐱᓕᕆᖃᑎᐅᔪᒧᑦ ᐅᓂᒃᑳᓕᐅᕐᓂᕐᓗ ᐱᓕᕆᐊᕆᓪᓗᐊᑕᕐᓂᐊᖅᑕᖓᑦ ᑎᒥᐅᔫᑉ ᐱᓕᕆᖃᑎᐅᔫᑉ.
ᐱᓕᕆᖃᑎᐅᑎᓪᓗᑎᑦ, ᑎᒥᐅᔪᖅ ᐊᑕᖏᕐᓗᒍ ᒪᓕᒐᖅᑎᒍᑦ ᐃᖅᑲᖅᑐᐃᕕᑦᑎᒍᓪᓗ ᐸᓯᔭᑦᓴᐅᔪᑦ ᐱᓕᕆᐊᑦᓴᕐᒧᑦ ᓯᕗᓕᖅᑕᐅᓪᓗᓂ ᒪᒃᑯᑦᑐᒧᑦ. ᐃᓚᐅᖃᑕᐅᒍᓐᓇᖁᓪᓗᒍ ᑎᒥᐅᔪᖅ ᐃᓚᒋᔭᐅᓗᓂ ᑕᑯᓐᓇᙳᐊᖅᑕᖅ ᑲᓇᑕᒥ ᑮᓇᐅᔭᖃᖅᑎᑕᐅᓂᕐᒧᑦ, ᐊᖏᖅᑕᐅᓯᒪᒋᐊᓖᑦ ᖁᑦᓯᓂᖅᐹᖏᓐᓃᑦᑐᓄᑦ ᐊᖏᔪᖅᑲᐅᑎᓄᑦ (ᓲᕐᓗ ᐃᓕᓐᓂᐊᕐᕕᒻᒥ ᐊᖏᔪᖅᑳᖅ) ᐊᒻᒪᓗ/ᐅᒡᕙᓘᓐᓃᑦ ᑲᑎᒪᔨᖏᓐᓄᑦ, ᒪᓕᓪᓗᒋᑦ ᑎᒥᐅᔫᑉ ᒪᓕᒐᕋᓛᖏᑦ ᐊᑐᐊᒐᖏᓪᓗ.
ᑎᒥᐅᔪᖅ ᓴᓇᒃᑯᑖᖃᕆᐊᓕᒃ ᐃᑲᔪᕈᓐᓇᕐᓗᓂ ᐱᓕᕆᐊᖓᓂᒃ ᒪᒃᑯᑦᑑᑉ. ᑕᒪᓐᓇ ᑐᑭᖃᖅᑐᖅ ᐱᑕᖃᑦᓯᐊᕆᐊᖃᕐᓂᖓ ᑎᒥᐅᔪᖅ ᐃᑲᔪᕈᓐᓇᕐᓗᓂ ᐃᖅᑲᓇᐃᔭᖅᑎᖃᕐᓂᒃᑯᑦ ᐱᓕᕆᒋᐊᖃᕐᓂᒃᑯᓪᓗ ᐊᓪᓚᒡᕕᓕᕆᓂᒃᑯᒃ ᐱᓕᕆᐊᑦᓴᕐᒥ ᐃᑲᔪᖅᓯᓂᒃᑯᓪᓗ ᐸᕐᓇᐅᑎᑎᒍᑦ, ᐊᑐᓕᖅᑎᑕᐅᓂᖓᒍᑦ, ᐅᓂᒃᑳᓕᐅᕐᓂᒃᑯᑦ ᖃᓄᐃᓕᖓᓕᕐᓂᖓᑕ ᐱᓕᕆᐊᑦᓴᐅᑉ.
ᐃᖅᑲᓇᐃᔭᖅᑏᑦ ᐱᓕᕆᐊᑦᓴᖏᑦ ᐱᓕᕆᐊᕆᒋᐊᓕᖏᓪᓗ ᓇᓗᓇᐃᖅᑕᐅᓯᒪᑦᓯᐊᕆᐊᓖᑦ ᐅᖃᐅᔾᔭᐅᑦᓯᐊᕐᓗᑎᓪᓗ ᒪᒃᑯᑦᑐᑦ, ᐃᓚᐅᖃᑕᐅᔪᑦ ᐃᖅᑲᓇᐃᔭᖅᑏᑦ, ᐊᒻᒪᓗ ᑲᓇᑕᒥ ᓱᓕᔪᓂᒃ ᑭᓪᓕᓯᓂᐊᖅᑏᑦ ᓴᐃᓕᖃᑎᒌᓐᓂᕐᒧᓪᓗ ᐱᓕᕆᒋᖓ. ᓱᓇᒃᑯᑖᖃᖅᑎᑦᓯᓂᖅ ᐱᖃᓯᐅᔾᔨᒻᒥᔪᖅ ᐃᑲᔪᕈᓐᓇᕐᓂᕐᒥ ᑮᓇᐅᔭᖅᑎᒍᑦ ᐃᖅᑲᓇᐃᔭᖅᑎᖃᕐᓂᒃᑯᓪᓗ ᐊᑐᐊᒐᕐᓂᒃ, ᒪᓕᑦᑕᐅᒋᐊᓕᓐᓂᒃ, ᑭᓪᓕᕆᒍᓐᓇᖅᑕᖏᓐᓂᓪᓗ ᐱᓕᕆᐊᑦᓴᐅᑉ. ᐱᖃᓯᐅᔾᔨᔪᑦ ᒪᑯᐊ ᓲᕐᓗ ᓇᓪᓕᐅᒃᑯᒫᖃᕆᐊᖃᕐᓂᖅ ᐸᓯᔭᑦᓴᐅᒍᓐᓇᕐᓂᓪᓗ ᐊᑭᓕᐅᑎᑦᓴᖃᕐᓂᖅ ᐱᓕᕆᐊᕆᒍᓐᓇᖁᓪᓗᒍ ᐱᓕᕆᐊᑦᓴᖅ ᐊᑦᑕᓇᙱᑦᑐᒥ ᒪᓕᑦᓯᐊᕐᓗᓂᓗ ᒪᓕᒐᕐᓂᒃ, ᑎᒥᐅᔪᖅ ᐸᓯᔭᑦᓴᐅᒍᓐᓇᕐᓗᓂ ᒪᓕᒐᖅᑎᒍᑦ ᐅᓗᕆᐊᓇᖅᑐᒦᒍᓐᓇᖅᑐᓄᑦ.
ᖄᖓᒍᑦᑕᐅᖅ ᐊᑐᐃᓐᓇᖃᖅᑎᑦᓯᓂᐅᑉ ᓱᓇᒃᑯᑖᒻᒪᕆᓐᓂᒃ ᒪᒃᑯᑦᑐᒧᑦ, ᐃᓚᐅᖃᑕᐅᔪᑦ ᑎᒥᐅᔪᑦ ᐃᓕᓐᓂᐊᑎᑦᓯᕙᒻᒥᔪᑦ ᑐᓴᕆᐊᕐᕕᐅᖃᑦᑕᕈᓐᓇᖅᑐᑎᓪᓗ ᖃᖓᑐᐃᓐᓇᒃᑯᑦ ᐱᓕᕆᐊᖅ ᑲᒪᒋᔭᐅᓂᖓᓂ. ᑕᒪᓐᓇ ᐱᒻᒪᕆᐅᔪᖅ ᐃᓕᓐᓂᐊᕈᑎᖓᓄᑦ ᒪᒃᑯᑦᑑᑉ ᓯᕗᓕᖅᑑᑉ ᐱᓕᕆᐊᕐᒥ. ᐱᒻᒪᕆᐅᕗᖅ ᑎᒥᐅᔪᖅ ᐱᔪᓐᓇᕆᐊᖃᕐᓗᓂ ᐃᓂᖃᕈᓐᓇᕐᓗᓂᓪᓗ ᐃᑲᔪᕐᓗᒍ ᒪᒃᑯᑦᑐᖅ ᐱᓕᕆᐊᑦᓴᕐᒥ. ᐃᓕᓐᓂᐊᖅᑎᑦᓯᒋᐊᕐᓂᖅ ᐃᓚᒋᔭᐅᒋᐊᓕᒃ ᐃᑲᔪᖅᓯᓂᕐᒧᑦ ᒪᒃᑯᑦᑐᓂᒃ ᓯᕗᓕᖅᑐᓂᒃ ᑮᓇᐅᔭᓕᕆᒍᓐᓇᕐᓂᒃᑯᑦ, ᐱᓕᕆᐊᑦᓴᕐᒥ ᐸᕐᓇᐅᑎᓕᐅᕐᓂᒃᑯᑦ, ᑐᓴᕆᐊᕐᕕᖃᕈᓐᓇᕐᓂᒃᑯᑦ, ᐊᑐᓕᖅᑎᑦᓯᓂᕐᒧᑦ ᖃᓄᖅᑑᕈᑕᐅᓯᒪᔪᑦ, ᐅᓂᒃᑳᓕᐅᕐᓂᖅ ᐊᒻᒪᓗ ᖃᐅᔨᒋᐊᒃᑲᓐᓂᕐᓂᖅ. ᐃᓚᖃᕈᓐᓇᕐᒥᔪᖅ ᐃᓕᓐᓂᐊᖅᑎᑦᓯᓂᕐᒥᒃ ᓱᓇᓪᓚᕆᐅᓂᖏᓐᓂᒃ ᒪᓕᓪᓗᒋᑦ ᐊᑐᖅᓯᒪᔭᖏᑦ, ᐱᒍᓐᓇᕐᓂᖏᑦ, ᐊᒻᒪᓗ ᐱᖃᑕᐅᒍᒪᓂᖑᑦ ᐃᓚᐅᖃᑕᐅᔪᑦ.
ᐱᓕᕆᐊᕆᒋᐊᓕᖏᑦ ᑎᒥᐅᔫᑉ ᐃᓚᐅᖃᑕᐅᔫᑉ:
- ᐱᓗᓂ ᐱᓕᕆᖃᑕᐅᔫᑉ ᐊᖏᕈᑎᖓᓂᒃ ᐊᖏᔪᖅᑲᐅᑎᖏᓐᓂᒃ ᐊᒻᒪᓗ/ᐅᒡᕙᓘᓐᓃᑦ ᑲᑎᒪᔨᖏᓐᓂᑦ
- ᐊᑐᐃᓐᓇᖃᕐᓗᓂ ᓱᓇᒃᑯᑖᒻᒪᕆᓂᓐᓂ
- ᐱᕕᑦᓴᖃᕐᓂᖅ ᐱᓕᕆᒍᒪᓂᕐᓗ ᐊᓪᓚᒡᕕᓕᕆᓂᒃᑯᑦ ᐃᑲᔪᕐᓗᓂ ᐸᕐᓇᐅᑎᓕᐅᕐᓂᒃᑯᑦ, ᐊᑐᓕᖅᑎᑦᓯᓂᒃᑯᑦ, ᐅᓂᒃᑳᓕᐅᕐᓂᒃᑯᓪᓗ ᐱᓕᕆᐊᑦᓴᕐᒥ
- ᐊᑐᐃᓐᓇᖃᕐᕕᒋᓗᒋᑦ ᒪᒃᑯᑦᑐᑦ ᓯᕗᓕᖅᑐᑦ ᐃᓕᓴᐃᓂᕐᒥᒃ ᐅᖃᐅᔾᔨᒋᕈᓐᓇᕐᓂᕐᒥᓪᓗ
NCTR’s spirit name – bezhig miigwan, meaning “one feather”.
Bezhig miigwan calls upon us to see each Survivor coming to the NCTR as a single eagle feather and to show those Survivors the same respect and attention an eagle feather deserves. It also teaches we are all in this together — we are all one, connected, and it is vital to work together to achieve reconciliation.