Timiujut Piliriqatiujut
Atuni qulillu tallimallu G6-12mi ilinniaqtuni Silattusarviliarnirmut Parnapalliajuillu piliriatsangit tunijaujut kiinaujani amisuunngittunik piliriqatiqarialiit timiujunik tunijaulunilu piliriqatiqarnikkut timiujumik. Nallituinnangit ilauqataujut ilinniarvinga ugvaluunniit nunalinni timiujuq. Tatatiqsimajuq tunijaugialik titiqkaqarluni ikajuqtuijumik pisimajumik ilinniarvimmi timiujumilluunniit. Kiinaujait tunijauniaqtut timiujumut piliriqatiujumut unikkaaliurnirlu piliriarilluatarniaqtangat timiujuup piliriqatiujuup.
Piliriqatiutillutit, timiujuq atangirlugu maligaqtigut iqkaqtuivittigullu pasijatsaujut piliriatsarmut sivuliqtaulluni makkuttumut. Ilauqataugunnaqullugu timiujuq ilagijauluni Takunnannguaqtaq Kanata kiinaujaqaqtitaunirmut, angiqtausimagialiit qutsiniqpaanginniittunut angijuqkautinut (suurlu ilinniarvimmi angijuqkaaq) ammalu/ugvaluunniit Katimajinginnut, malillugit timiujuup maligaralaangit atuagangillu.
Timiujuq sanakkutaaqarialik ikajurunnarluni pilirianganik makkuttuup. Tamanna tukiqaqtuq pitaqatsiariaqarninga timiujuq ikajurunnarluni iqkanaijaqtiqarnikkut pilirigiaqarnikkullu allagvilirinikkuk piliriatsarmi ikajuqsinikkullu parnautitigut, atuliqtitauningagut, unikkaaliurnikkut qanuilingalirningata piliriatsaup.
Iqkanaijaqtiit piliriatsangit piliriarigialingillu nalunaiqtausimatsiarialiit uqaujjautsiarlutillu makkuttut, ilauqataujut iqkanaijaqtiit, ammalu Kanatami Sulijunik Killisiniaqtiit Sailiqatigiinnirmullu Piliriginga. Sunakkutaaqaqtitsiniq piqasiujjimmijuq ikajurunnarnirmi kiinaujaqtigut iqkanaijaqtiqarnikkullu atuagarnik, malittaugialinnik, killirigunnaqtanginnillu piliriatsaup. Piqasiujjijut makua suurlu nalliukkumaaqariaqarniq pasijatsaugunnarnillu akiliutitsaqarniq piliriarigunnaqullugu piliriatsaq attananngittumi malitsiarlunilu maligarnik, timiujuq pasijatsaugunnarluni maligaqtigut ulurianaqtumiigunnaqtunut.
Qaangaguttauq atuinnaqaqtitsiniup sunakkutaammarinnik makkuttumut, ilauqataujut timiujut ilinniatitsivammijut tusariarviuqattarunnaqtutillu qangatuinnakkut piliriaq kamagijauningani. Tamanna pimmariujuq ilinniarutinganut makkuttuup sivuliqtuup piliriarmi. Pimmariuvuq timiujuq pijunnariaqarluni iniqarunnarlunillu ikajurlugu makkuttuq piliriatsarmi. Ilinniaqtitsigiarniq ilagijaugialik ikajuqsinirmut makkuttunik sivuliqtunik kiinaujalirigunnarnikkut, piliriatsarmi parnautiliurnikkut, tusariarviqarunnarnikkut, atuliqtitsinirmut qanuqtuurutausimajut, unikkaaliurniq ammalu qaujigiakkannirniq. Ilaqarunnarmijuq ilinniaqtitsinirmik sunallariuninginnik malillugit atuqsimajangit, pigunnarningit, ammalu piqataugumaningut ilauqataujut.
Piliriarigialingit Timiujuup Ilauqataujuup:
- Piluni piliriqataujuup angirutinganik Angijuqkautinginnik ammalu/ugvaluunniit Katimajinginnit
- Atuinnaqarluni sunakkutaammarininni
- Pivitsaqarniq pilirigumanirlu allagvilirinikkut ikajurluni parnautiliurnikkut, atuliqtitsinikkut, unikkaaliurnikkullu piliriatsarmi
- Atuinnaqarvigilugit makkuttut sivuliqtut ilisainirmik uqaujjigirunnarnirmillu
NCTR’s spirit name – bezhig miigwan, meaning “one feather”.
Bezhig miigwan calls upon us to see each Survivor coming to the NCTR as a single eagle feather and to show those Survivors the same respect and attention an eagle feather deserves. It also teaches we are all in this together — we are all one, connected, and it is vital to work together to achieve reconciliation.