Company Logo

K-G5ᒥ ᓂᕈᐊᖅᓯᓂᕐᒧᑦ ᐊᑐᖅᑕᐅᓂᐊᖅᑐᖅ

ᐊᕕᑦᑐᖅᓯᒪᔪᑦ ᓄᓇᐃᑦ:

ᑭᒡᒐᑐᖅᑕᐅᑦᓯᐊᖅᑕᐅᔪᐃᓐᓇᐅᖁᓪᓗᒋᑦ ᑲᓇᑕᒥᐅᑕᓕᒫᑦ, ᑲᓇᑕ ᐊᕕᑦᑐᖅᑕᐅᓯᒪᔪᖅ ᐱᖓᓲᔪᖅᑑᓕᖅᑲᖓᔪᓄᑦ ᓄᓇᓂ. ᒪᑯᐊᑕᒡᕙ ᓄᓇᐃᑦ ᐊᕕᑦᑐᖅᓯᒪᕖᑦ:

  • ᐱᖓᓐᓇᐅᑉ ᓯᔾᔭᖓᓂ (BC, YK);
  • ᐱᖓᓐᓇᖅᐸᓯᐊᓂ (AB, SK);
  • ᐅᑭᐅᖅᑕᖅᑐᖅ (NWT, NU);
  • ᕿᑎᐊᓃᑦᑐᑦ (MB, ON);
  • ᐅᐃᕖᖑᔭᕈᓐᓇᖅᑐᑦ (NB, QC, ᐊᓯᖏᓪᓗ (ᐱᒋᐊᖃᕈᑎᑦ)); ᐊᒻᒪᓗ
  • ᐊᑦᓚᓐᑎᒃ ᓯᔾᔭᖓᓂ (NFL, NS, PEI, NB).
ᐊᕕᑦᑐᖅᓯᒪᔪᑦ ᓄᓇᐃᑦ.

ᓂᕈᐊᖅᓯᓂᕐᒧᑦ ᐊᑐᖅᑕᐅᓂᐊᖅᑐᖅ:

ᓂᕕᐊᖅᓯᓂᕐᒧᑦ ᑲᑎᒪᔨᕋᓛᑦ, ᐱᓯᒪᓪᓗᑎᑦ ᐃᓄᓐᓂᒃ ᑲᓇᑕᓕᒫᕐᒥ, ᐱᖃᑕᐅᓪᓗᑎᑦ ᑮᓇᐅᔭᖃᖅᑎᑦᓯᔪᑦ ᐱᓕᕆᐊᑦᓴᓂᒃ, ᕿᒥᕐᕈᓂᐊᖅᑐᑦ ᐱᓕᕆᐊᑦᓴᓂᒃ ᑐᓂᔭᐅᓯᒪᔪᓂᒃ ᑐᓂᓯᓂᐊᖅᓱᑎᓪᓗ ᐱᖁᔨᔾᔪᑎᒥᓐᓂ ᐃᓕᑕᖅᓯᓂᕐᒧᑦ. ᖁᓕᓪᓗ ᒪᕐᕉᓪᓗ ᐱᓕᕆᐊᑦᓴᐃᑦ ᐱᓯᒪᔪᑦ K-G5ᒥ ᐃᓕᓐᓂᐊᖅᑐᓂ ᐊᒻᒪᓗ ᖁᓕᓪᓗ ᑕᓪᓕᒪᓪᓗ ᐱᓯᒪᔪᑦ G6-12 ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᓪᓗ ᐃᓕᓐᓂᐊᖅᑐᓄᑦ ᓂᕈᐊᖅᑕᐅᓂᐊᖅᑐᑦ ᐃᓕᑕᕆᔭᐅᓂᐊᕐᓗᑎᑦ.

ᓂᕈᐊᖅᓯᓂᕐᒧᑦ ᐱᔭᐅᓯᒪᒋᐊᓖᑦ:

ᓂᕈᐊᖅᓯᑎᓪᓗᒋᑦ ᐱᓕᕆᐊᑦᓴᕐᓂᒃ, ᑭᒡᒐᖅᑐᖅᑕᐅᒋᐊᖃᕐᓂᖏᑦ ᒪᑯᓂᙶᖅᑐᑦ ᐃᓱᒪᒋᔭᐅᒋᐊᕐᓂᐊᖅᑐᑦ: ᓄᑕᖅᑲᓛᖑᓂᖏᓐᓂ, ᐃᓐᓇᕈᖅᐸᓪᓕᐊᓂᖏᓐᓂ, ᐃᓐᓇᑐᖃᐅᓕᕐᓂᖏᓐᓂ, ᐊᕐᓇᐅᓂᖅ ᐊᖑᑎᐅᓂᕐᓘᓐᓃᑦ, ᐊᒻᒪᓗ ᐃᓕᖅᑯᓯᖃᑎᒌᙱᑦᑐᓂᒃ ᐃᓚᐅᑎᑦᓯᔪᑦ.

ᐱᔭᐅᒍᒪᓂᖅᓴᐅᓂᐊᖅᑐᑦ ᐱᓕᕆᐊᑦᓴᐃᑦ ᐱᓕᕆᐊᖑᓯᒪᔪᑦ ᐅᖃᖃᑎᖃᕐᓂᒃᑯᑦ, ᐱᓕᕆᖃᑎᖃᕐᓂᒃᑯᓪᓘᓐᓃᑦ ᓄᓇᖃᖅᑳᖅᓯᒪᔪᓂᒃ ᐃᓐᓇᑐᖃᕐᓂᒃ, ᖃᐅᔨᒪᔨᑕᕆᔭᐅᔪᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᓄᑦ ᐊᓂᒎᔾᔨᓯᒪᔪᓄᓪᓗ.

ᒪᑯᐊ ᒪᓕᑦᑐᑦ ᐱᔭᐅᓯᒪᒋᐊᓖᑦ ᐃᓱᒪᒋᔭᐅᖃᓯᐅᔾᔨᓂᐊᕐᒥᔪᑦ:

  • ᐱᓕᕆᐊᑦᓴᖅ ᐊᑦᑐᐊᓂᖃᖅᑲ ᐱᔾᔪᑎᖓᓐᓂ ᑕᑯᓐᓇᙳᐊᖅᑕᖅ ᑲᓇᑕ ᐃᓱᒪᒋᔭᖃᖅᑲᓪᓗ ᓯᕗᓂᑦᓴᑎᓐᓂ ᓴᐃᓕᖃᑎᒌᓐᓂᕐᒥ?
  • ᐱᓕᕆᐊᑦᓴᖅ ᓇᓗᓇᐃᖅᓯᕙ ᑐᑭᓯᐊᓂᕐᒥᒃ ᓱᓇᐅᒻᒪᖔᖅ ᓴᐃᓕᖃᑎᒌᓐᓂᖅ ᑐᓴᕋᑦᓴᖓᓗ ᑐᑭᓯᓇᑦᓯᐊᖅᑲ ᑐᑭᖃᑦᓯᐊᖅᑲᓪᓗ?
  • ᐱᓕᕆᐊᑦᓴᖅ ᐃᓱᒪᒋᔭᖃᕆᐊᖅᑲ, ᐃᓱᒪᒋᔭᖃᑦᓯᐊᖅᑲ, ᐃᓱᒪᑐᔫᕙᓪᓗ? ᐊᑦᑐᐊᓂᖃᙱᓛᖅ ᐅᖃᓂᕐᓘᑕᐅᒐᔪᑦᑐᓂᒃ ᐅᖃᙳᐊᕈᑕᐅᒐᔪᑦᑐᓂᓪᓗ?
  • ᐱᓕᕆᐊᑦᓴᖅ ᐊᑕᐅᓯᐅᙱᑦᑐᕐᒥ ᐅᖃᐅᓯᕐᒥ ᐊᑐᕋᓱᐊᖅᑲ, ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᐃᓚᐅᑎᑦᓯᕙ, ᓄᓇᖃᖅᑳᖅᓯᒪᔪᓄᓐᓘᓐᓃᑦ ᖃᐅᔨᒪᔭᑐᖃᐅᔪᓂᒃ (ᐱᒍᓐᓇᕈᓂ)?
  • ᑭᐅᔾᔪᑎᐅᔪᑦ ᑐᓂᔭᐅᓯᒪᔪᕐᒥ ᑕᑕᑎᒐᒥ ᑭᐅᓯᒪᑦᓯᐊᖅᑲᑦ, ᑎᑎᕋᖅᓯᒪᑦᓯᐊᖅᑲᑦ (ᐱᒍᓐᓇᕈᓂ), ᐋᖅᑭᓱᖅᓯᒪᑦᓯᐊᖅᑲᓪᓗ?
  • ᐃᓚᐅᑎᑦᓯᓯᒪᕚ ᑐᑭᓯᒋᐊᕈᑎᑦᓴᓂᒃ ᓇᓗᓇᐃᔭᐃᒍᑎᓂᒃ ᓇᓗᓇᐃᒃᑯᑕᐃᑦ ᐊᑐᖅᑕᐅᓂᖏᓐᓂᒃ, ᓇᓗᓇᐃᔭᐃᓯᒪᔪᒥᓪᓘᓐᓃᑦ ᐊᔾᔨᙳᐊᑦ ᐅᖃᐅᓰᓪᓗ ᐊᑐᖅᑕᐅᓂᖏᓐᓂᒃ ᑕᒪᑐᒥᖓ ᐱᓕᕆᐊᑦᓴᕐᒥ?

ᓂᕈᐊᖅᑕᐅᔪᑦ ᐱᓕᕆᐊᑦᓴᐃᑦ:

ᖁᓕᓪᓗ ᒪᕐᕉᓪᓗ ᐱᓕᕆᐊᑦᓴᐃᑦ ᐱᓯᒪᔪᑦ K-G5ᒥ ᐃᓕᓐᓂᐊᖅᑐᓂ (ᒪᕐᕉᓗᑎᒃ ᓂᕈᐊᖅᑕᐅᔪᑦ ᐱᖓᓲᔪᖅᑐᓂᒃ ᐊᕕᑦᑐᖅᓯᒪᔪᓂᒃ) ᓂᕈᐊᖅᑕᐅᓂᐊᖅᑐᑦ ᐃᓚᐅᖃᑕᐅᓂᐊᖅᑎᓪᓗᒋᑦ ᒪᑉᐱᒐᕋᓛᕐᒧᑦ ᓴᖅᑭᔮᖅᑎᑦᓯᔪᒥ ᑕᑯᓐᓇᙳᐊᕐᓂᖏᓐᓂ ᓴᐃᓕᖃᑎᒌᓐᓂᕐᒥ. ᐱᖃᓯᐅᓪᓗᒍ, ᑖᒃᑯᐊ ᐱᓕᕆᐊᑦᓴᐃᑦ, ᒪᒃᑯᑦᑐᐃᓪᓗ ᐃᓚᐅᖃᑕᐅᔪᑦ, ᐃᓕᑕᕆᔭᐅᓂᐊᖅᑐᑦ ᑲᓇᑕᓕᒫᕐᒥ ᖁᕕᐊᓲᑎᖃᖅᑎᓪᓗᒋᑦ ᐊᐅᔭᖅ 2022ᒥ. ᒪᒃᑯᑦᑐᖅ ᓯᕗᓕᖅᑐᖅ ᐱᓕᕆᐊᑦᓴᕐᒥᒃ ᓂᕆᐅᒋᔭᐅᓂᐊᖅᑐᖅ ᐅᖃᐅᓯᖃᖁᔭᐅᓗᓂ ᐱᓕᕆᐊᑦᓴᖓᑕ ᒥᑦᓵᓄᑦ ᑲᓇᑕᓕᒫᕐᒥ ᖁᕕᐊᓲᑎᖃᖅᑎᓪᓗᒋᑦ.

2022ᒥ ᑲᓇᑕᓕᒫᕐᒥ ᖁᕕᐊᓲᑎᖃᕐᓂᖅ ᐃᑭᐊᖅᑭᕕᒃᑯᑦ ᐊᑐᖅᑕᐅᓂᐊᖅᑐᖅ ᐅᓗᕆᐊᓇᖅᑐᒦᖁᓇᒋᑦ ᐃᓚᐅᖃᑕᐅᔪᑦ ᒪᒃᑯᑦᑐᑦ, ᐃᓚᖏᑦ, ᐃᓐᓇᑐᖃᐃᑦ, ᖃᐅᔨᒪᔭᑕᕆᔭᐃᑦ, ᐊᓂᒎᔾᔨᓯᒪᔪᐃᓪᓗ. ᐃᑭᐊᖅᑭᕕᒃᑯᑦ ᑲᓇᑕᓕᒫᕐᒥ ᖁᕕᐊᓲᑎᖃᕐᓂᖅ ᐅᓄᕐᓂᖅᓴᐅᒍᓐᓇᖅᑎᑦᓯᓂᐊᖅᑐᖅ ᐃᓚᐅᖃᑕᐅᔪᓂᒃ ᐱᓕᕆᐊᑦᓴᕐᒥ ᒪᒃᑯᑦᑐᓂ ᐱᖃᓯᐅᓪᓗᒋᑦ ᐅᓄᕐᓂᖅᓴᐅᓗᑎᑦ ᑕᑯᓐᓇᕈᓐᓇᕐᓂᐊᖅᑐᑦ ᖁᕕᐊᓲᑎᖃᕐᓂᕐᒥ.

Sign Up for Our Newsletter

Stay informed  about NCTR and our upcoming events.

NCTR’s spirit name – bezhig miigwan, meaning “one feather”.

Bezhig miigwan calls upon us to see each Survivor coming to the NCTR as a single eagle feather and to show those Survivors the same respect and attention an eagle feather deserves. It also teaches we are all in this together — we are all one, connected, and it is vital to work together to achieve reconciliation.