Company Logo

Tautunnguaqtaq Kanata

Taanna Takunnannguaqtaq Kanata (Imagine a Canada) 2021-2022 piliriatsaq qaiqkujivut Kanatamiutarnik makkuktunik ilinniaqtunik K-G12 silattusarviliarnirmut parnapalliajunullu takunnannguaqullugit Kanatami sailiqagiinniq.

Makkuttut ilinniaqtut K-G5 tunisigunnaqtuq sanannguaqsimajarmini, titirautigisimajarmini, sunatuinnarmilluunniit kiggaqtuigutigijanginnik sailisimalirianga Kanata sunamillu niriugijaqarmangaarmi asingitta iligutiginiaqtanginnik tunisimajangata pillugu. Qulillu marruullu piliriaksait niruaqtauniaqtut ilinniaqtinik K-G5mi ilautitauniaqtillugit mappigaralaarmi saqkijaaqtitsijunik sanannguaqsimajanginnik uqausiksanginnillu.

Makkuttut ilinniaqtut G6-G12mi silattusarviliarnirmullu ilinniaqtut qaakkanniagut pilirigunnaqtut tunisilutillu parnautimik qanuq piliriaksanga piliriaqarniarmangaat sailiqatigiinnirmi nunalinginni ilinniarvinginnilluunniit. Piliriaksait isumagijaugunnaqtut makuangugunnaqtut: qaiqkujiniq Aniguujjisimajunik, Innatuqarnik, Qaujimajitarijaujunilluunniit uqariaqtuqullugit ilinniaqtitsigutiujunik; sanalutit atainnarniaqtumik sanannguaqsimajurmi kiggaqtuigutigillugu sailiqatigiinnirmi ilinniarviminni; ugvaluunniit ikajuqtuijunik akiliqtuqtaugatit piliriaqaqtunik nunattinni sailiqatigiinnirmi. Pingasuujuqtut piliriaksait pijut tagvanngat G6-G12mi silattusarviliarnirmut parnapalliajunullu tunijauniaqtut $750nik, pingasuujuqtut tunijauniaqtut $1,000nik, pingasuillu tunijauniaqtut $1,500nik. Piqasiullugu, taakkua piliriaksait ilitarijauniarmijut sanannguaqsimajunut makpigaralaarmi.

Makkuttut niruaqtaujut piliriaksanut tamakkiinnik ilinniarniliit qaiqkujauniaqtut ilauqatauqujaulutit qaritaujakkut sivuliqtiunirmut pilimmasarnikkut piliriqatigiinnirmut. Makkuttut ilinniaqtut tagvanngallarik innarnik, aniguujjisimajunik, qaujimajatarijaujunillu qaiqkujausimajunillu qanuq piqataugunnarmangaarmik sivulirunnarmangaarmillu uqumaittunik uqaqatigiinniujunik, qanuq sailiqatigiinnirmut sivuliqtiunirmut, qanuq aulatsigunnarnirmut piliriaksanik, qanurlu nakillu kiinaujaksanik pigunnarajarmangaata sivuniksatinni piliriaksanut.

Isuanik ilinniarnaup, Kanatalimaarmi quviasuutiqatigiinniq atuqtauniaqtuq quviasuutiulutit qulillu marruullu piliriaksait niruaqtausimajut K-G5mi ammalu qulillu tallimaillu G6-G12mi silattusarviliarnimullu parnapalliajunut. Makkuttut pisimajut qulillu tallimallunik niriugijauniaqtut naittumik unikkaaqaqujaulutit piliriaksaminni qanurlu aulaniqalirmangaat. Qaakkanniagut, makkuttuit ilauqatauniaqtut ilinniaqatigiittitaulutit Kanatalimaarmi uqaqatigiillutit sailiqatigiinnirmi tusaqtautillugillu piliriaksani. Niriugijauniarmijut qaujigiaqujaulutit qitipaluani piliriningitta tunisilutillu kingulliqpaarmi unikkaaliaminni piliriaksaminnut qanurlu kiinaujait atuqtaulaurmangaata.

Sign Up for Our Newsletter

Stay informed  about NCTR and our upcoming events.

NCTR’s spirit name – bezhig miigwan, meaning “one feather”.

Bezhig miigwan calls upon us to see each Survivor coming to the NCTR as a single eagle feather and to show those Survivors the same respect and attention an eagle feather deserves. It also teaches we are all in this together — we are all one, connected, and it is vital to work together to achieve reconciliation.