Company Logo

ᓂᕈᐊᖅᓯᓂᕐᒧᑦ ᐊᑐᖅᑕᐅᓂᐊᖅᑐᖅ

ᐊᕕᑦᑐᖅᓯᒪᔪᑦ ᓄᓇᐃᑦ:

ᑭᒡᒐᑐᖅᑕᐅᑦᓯᐊᖅᑕᐅᔪᐃᓐᓇᐅᖁᓪᓗᒋᑦ ᑲᓇᑕᒥᐅᑕᓕᒫᑦ, ᑲᓇᑕ ᐊᕕᑦᑐᖅᑕᐅᓯᒪᔪᖅ ᐱᖓᓲᔪᖅᑑᓕᖅᑲᖓᔪᓄᑦ ᓄᓇᓂ. ᒪᑯᐊᑕᒡᕙ ᓄᓇᐃᑦ ᐊᕕᑦᑐᖅᓯᒪᕖᑦ:

  • ᐱᖓᓐᓇᐅᑉ ᓯᔾᔭᖓᓂ (BC, YK);
  • ᐱᖓᓐᓇᖅᐸᓯᐊᓂ (AB, SK);
  • ᐅᑭᐅᖅᑕᖅᑐᖅ (NWT, NU);
  • ᕿᑎᐊᓃᑦᑐᑦ (MB, ON);
  • ᐅᐃᕖᖑᔭᕈᓐᓇᖅᑐᑦ (NB, QC, ᐊᓯᖏᓪᓗ (ᐱᒋᐊᖃᕈᑎᑦ)); ᐊᒻᒪᓗ
  • ᐊᑦᓚᓐᑎᒃ ᓯᔾᔭᖓᓂ (NFL, NS, PEI, NB).
ᐊᕕᑦᑐᖅᓯᒪᔪᑦ ᓄᓇᐃᑦ.

ᓂᕈᐊᖅᓯᓂᕐᒧᑦ ᐊᑐᖅᑕᐅᓂᐊᖅᑐᖅ:

ᓂᕕᐊᖅᓯᓂᕐᒧᑦ ᑲᑎᒪᔨᕋᓛᑦ, ᐱᓯᒪᓪᓗᑎᑦ ᐃᓄᓐᓂᒃ ᑲᓇᑕᓕᒫᕐᒥ, ᐱᖃᑕᐅᓪᓗᑎᑦ ᑮᓇᐅᔭᖃᖅᑎᑦᓯᔪᑦ ᐱᓕᕆᐊᑦᓴᓂᒃ, ᕿᒥᕐᕈᓂᐊᖅᑐᑦ ᐱᓕᕆᐊᑦᓴᓂᒃ ᑐᓂᔭᐅᓯᒪᔪᓂᒃ ᑐᓂᓯᓂᐊᖅᓱᑎᓪᓗ ᐱᖁᔨᔾᔪᑎᒥᓐᓂ ᐃᓕᑕᖅᓯᓂᕐᒧᑦ. ᖁᓕᓪᓗ ᒪᕐᕉᓪᓗ ᐱᓕᕆᐊᑦᓴᐃᑦ ᐱᓯᒪᔪᑦ K-G5ᒥ ᐃᓕᓐᓂᐊᖅᑐᓂ ᐊᒻᒪᓗ ᖁᓕᓪᓗ ᑕᓪᓕᒪᓪᓗ ᐱᓯᒪᔪᑦ G6-12 ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᓪᓗ ᐃᓕᓐᓂᐊᖅᑐᓄᑦ ᓂᕈᐊᖅᑕᐅᓂᐊᖅᑐᑦ ᐃᓕᑕᕆᔭᐅᓂᐊᕐᓗᑎᑦ.

ᓂᕈᐊᖅᓯᓂᕐᒧᑦ ᐱᔭᐅᓯᒪᒋᐊᓖᑦ:

ᓂᕈᐊᖅᓯᑎᓪᓗᒋᑦ ᐱᓕᕆᐊᑦᓴᕐᓂᒃ, ᑭᒡᒐᖅᑐᖅᑕᐅᒋᐊᖃᕐᓂᖏᑦ ᒪᑯᓂᙶᖅᑐᑦ ᐃᓱᒪᒋᔭᐅᒋᐊᕐᓂᐊᖅᑐᑦ: ᓄᑕᖅᑲᓛᖑᓂᖏᓐᓂ, ᐃᓐᓇᕈᖅᐸᓪᓕᐊᓂᖏᓐᓂ, ᐃᓐᓇᑐᖃᐅᓕᕐᓂᖏᓐᓂ, ᐊᕐᓇᐅᓂᖅ ᐊᖑᑎᐅᓂᕐᓘᓐᓃᑦ, ᐊᒻᒪᓗ ᐃᓕᖅᑯᓯᖃᑎᒌᙱᑦᑐᓂᒃ ᐃᓚᐅᑎᑦᓯᔪᑦ.

ᐱᔭᐅᒍᒪᓂᖅᓴᐅᓂᐊᖅᑐᑦ ᐱᓕᕆᐊᑦᓴᐃᑦ ᐱᓕᕆᐊᖑᓯᒪᔪᑦ ᐅᖃᖃᑎᖃᕐᓂᒃᑯᑦ, ᐱᓕᕆᖃᑎᖃᕐᓂᒃᑯᓪᓘᓐᓃᑦ ᓄᓇᖃᖅᑳᖅᓯᒪᔪᓂᒃ ᐃᓐᓇᑐᖃᕐᓂᒃ, ᖃᐅᔨᒪᔨᑕᕆᔭᐅᔪᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᓄᑦ ᐊᓂᒎᔾᔨᓯᒪᔪᓄᓪᓗ.

ᒪᑯᐊ ᒪᓕᑦᑐᑦ ᐱᔭᐅᓯᒪᒋᐊᓖᑦ ᐃᓱᒪᒋᔭᐅᖃᓯᐅᔾᔨᓂᐊᕐᒥᔪᑦ:

  • ᐱᓕᕆᐊᑦᓴᖅ ᐊᑦᑐᐊᓂᖃᖅᑲ ᐱᔾᔪᑎᖓᓐᓂ ᑕᑯᓐᓇᙳᐊᖅᑕᖅ ᑲᓇᑕ ᐃᓱᒪᒋᔭᖃᖅᑲᓪᓗ ᓯᕗᓂᑦᓴᑎᓐᓂ ᓴᐃᓕᖃᑎᒌᓐᓂᕐᒥ?
  • ᐱᓕᕆᐊᑦᓴᖅ ᓇᓗᓇᐃᖅᓯᕙ ᑐᑭᓯᐊᓂᕐᒥᒃ ᓱᓇᐅᒻᒪᖔᖅ ᓴᐃᓕᖃᑎᒌᓐᓂᖅ ᑐᓴᕋᑦᓴᖓᓗ ᑐᑭᓯᓇᑦᓯᐊᖅᑲ ᑐᑭᖃᑦᓯᐊᖅᑲᓪᓗ?
  • ᐱᓕᕆᐊᑦᓴᖅ ᐃᓱᒪᒋᔭᖃᕆᐊᖅᑲ, ᐃᓱᒪᒋᔭᖃᑦᓯᐊᖅᑲ, ᐃᓱᒪᑐᔫᕙᓪᓗ?
  • ᑭᐅᔾᔪᑎᐅᔪᑦ ᑐᓂᔭᐅᓯᒪᔪᕐᒥ ᑕᑕᑎᒐᒥ ᑭᐅᓯᒪᑦᓯᐊᖅᑲᑦ, ᑎᑎᕋᖅᓯᒪᑦᓯᐊᖅᑲᑦ (ᐱᒍᓐᓇᕈᓂ), ᐋᖅᑭᓱᖅᓯᒪᑦᓯᐊᖅᑲᓪᓗ?
  • ᖃᓄᖅ ᐱᓕᕆᐊᑦᓴᖅ ᐱᓕᕆᐊᖃᖅᑲ ᓴᐃᓕᖃᑎᒌᓐᓂᕐᒥ ᐃᓕᓐᓂᐊᕐᕕᒻᒥ ᓄᓇᓕᓐᓂᓘᓐᓃᑦ?
  • ᖃᓄᖅ ᐱᓕᕆᐊᑦᓴᖅ ᐃᓱᒪᒋᔭᖃᕆᐊᖅᓯᒪᕙ ᐃᓚᐅᑎᑦᓯᓯᒪᕙᓪᓘᓐᓃᑦ ᐃᓕᓐᓂᐊᕐᕕᒻᒥ ᓄᓇᓕᓐᓂᓘᓐᓃᑦ?
  • ᐱᓕᕆᐊᑦᓴᖅ ᐱᔭᕇᖅᑕᐅᒍᓐᓇᖅᑑᔮᖅᑲ ᐊᕐᕌᒍᖅ ᐃᓱᓕᓚᐅᖅᑎᓐᓇᒍ?
  • ᐱᓕᕆᐊᑦᓴᖅ ᐃᑲᔪᖅᑕᐅᒍᑎᑦᓴᕐᓂᒃ ᓇᓗᓇᐃᖅᓯᓯᒪᕙ ᐱᔭᕇᒍᓐᓇᖁᓪᓗᒍ?
  • ᖃᓄᐃᑦᑐᓂᒃ ᐃᑲᔫᑎᑦᓴᕐᓂᒃ ᐱᒋᐊᖃᖅᑲ ᐱᓕᕆᐊᑦᓴᖅ? ᖄᖏᐅᑎᕚ ᑮᓇᐅᔭᓂᒃ ᐊᒥᓲᙱᑦᑐᓂᒃ ᐱᑎᑕᐅᓯᒪᓂᕐᒧᑦ?

ᓂᕈᐊᖅᑕᐅᔪᑦ ᐱᓕᕆᐊᑦᓴᐃᑦ:

ᖁᓕᓪᓗ ᑕᓪᓕᒪᓪᓗ ᐱᓕᕆᐊᑦᓴᐃᑦ ᐱᓯᒪᔪᑦ G6-12 ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᓪᓗ (ᒪᕐᕉᓗᑎᒃ ᐊᕕᑦᑐᖅᓯᒪᔪᓂ ᐊᒻᒪᓗ ᐱᖓᓱᒃᑲᓐᓃᑦ ᐱᓕᕆᐊᑦᓴᐃᑦ ᑲᓇᑕᓕᒫᕐᒥ) ᓂᕈᐊᖅᑕᐅᓂᐊᖅᑐᑦ ᑮᓇᔭᓂᒃ ᐊᒥᓲᙱᑦᑐᓂᒃ ᑐᓂᔭᐅᓗᑎᑦ ᐃᓕᑕᕆᔭᐅᓂᐊᕐᒥᔪᑦ ᑲᓇᑕᓕᒫᕐᒥ ᖁᕕᐊᓲᑎᖃᖅᑎᓪᓗᒋᑦ. ᓂᕈᐊᖅᑕᐅᔪᑦ ᑐᓂᔭᐅᓯᒪᔪᓂ ᐃᓚᐅᑎᑕᐅᓂᐊᖅᑐᑦ ᒪᑉᐱᒐᕋᓛᕐᒥ ᓴᖅᑭᔮᖅᑎᑕᐅᓗᑎᓪᓗ ᑲᓇᑕᓕᒫᕐᒥ ᓱᓕᔪᓂᒃ ᑭᓪᓕᓯᓂᐊᕐᓂᕐᒧᑦ ᓴᐃᓕᖃᑎᒌᓐᓂᕐᒧᓪᓗ ᐃᓅᖃᑎᒌᑦᑐᓄᑦ ᑐᓴᐅᒪᔾᔪᑎᖏᑦᑎᒍᑦ ᓴᖅᑭᔮᖅᑎᑕᐅᑎᓪᓗᒋᑦ ᑕᑯᓐᓇᙳᐊᖅᑕᖅ ᑲᓇᑕ, ᓱᓕᔪᓂᒃ ᑭᓪᓕᓯᓂᐊᕐᓂᕐᒧᑦ ᓴᐃᓕᖃᑎᒌᓐᓂᕐᒧᓪᓗ ᐱᓕᕆᕕᖓᑕ ᐃᑭᐊᖅᑭᕕᖓᑦᑎᒍᑦ, ᐊᒻᒪᓗ ᓱᓕᓂᕐᒧᑦ ᓴᐃᓕᖃᑎᒌᓐᓂᕐᒧᓪᓗ ᐱᓇᓱᐊᕈᓯᖓᓂ 2022ᒥ.

ᒪᒃᑯᑦᑐᖅ ᓯᕗᓕᖅᑐᖅ ᐱᓕᕆᐊᑦᓴᕐᒥ ᐊᒻᒪᓗ ᒪᕐᕈᒃᑲᓐᓃᒃ ᑭᒡᒐᑐᖅᑏᒃ ᓂᕆᐅᒋᔭᐅᓂᐊᖅᑐᑦ ᐅᓂᒃᑳᖃᒐᓛᖁᔭᐅᓗᑎᑦ ᐱᓕᕆᐊᑦᓴᒥᓐᓂ ᑲᓇᑕᓕᒫᕐᒥ ᖁᕕᐊᓲᑎᖃᖅᑎᓪᓗᒋᑦ. ᖄᒃᑲᓐᓂᐊᒍᑦ, ᒪᒃᑯᑦᑐᑦ ᑕᒡᕙᖔᖅᑐᑦ ᓂᕆᐅᒋᔭᐅᓂᐊᕐᒥᔪᑦ ᓄᑕᐅᓯᓕᕆᐊᖅᓯᒪᔪᓂᒃ ᑐᑭᓯᒋᐊᖅᑎᑦᓯᓗᑎᑦ ᐱᓕᕆᐊᑦᓴᖓ ᖃᓄᐃᓕᖓᓕᕐᒪᖔᑦ ᐱᓕᕆᖃᑎᖃᖅᐸᓐᓂᐊᖅᓱᓂᓪᓗ ᐃᓕᓐᓂᐊᕐᕕᓐᓂ ᑲᓇᑕᓕᒫᕐᒥ ᐱᓯᒪᔪᓂᒃ ᐅᖃᖃᑎᒌᓐᓂᒃᑯᑦ ᓴᐃᓕᖃᑎᒌᓐᓂᕐᒥ ᐅᖃᐅᓯᕆᓗᓂᒋᓪᓗ ᐱᓕᕆᐊᑦᓴᓂ.

2022ᒥ ᑲᓇᑕᓕᒫᕐᒥ ᖁᕕᐊᓲᑎᖃᕐᓂᖅ ᐃᑭᐊᖅᑭᕕᒃᑯᑦ ᐊᑐᖅᑕᐅᓂᐊᖅᑐᖅ ᐅᓗᕆᐊᓇᖅᑐᒦᖁᓇᒋᑦ ᐃᓚᐅᖃᑕᐅᔪᑦ ᒪᒃᑯᑦᑐᑦ, ᐃᓚᖏᑦ, ᐃᓐᓇᑐᖃᐃᑦ, ᖃᐅᔨᒪᔭᑕᕆᔭᐃᑦ, ᐊᓂᒎᔾᔨᓯᒪᔪᐃᓪᓗ. ᐃᑭᐊᖅᑭᕕᒃᑯᑦ ᑲᓇᑕᓕᒫᕐᒥ ᖁᕕᐊᓲᑎᖃᕐᓂᖅ ᐅᓄᕐᓂᖅᓴᐅᒍᓐᓇᖅᑎᑦᓯᓂᐊᖅᑐᖅ ᐃᓚᐅᖃᑕᐅᔪᓂᒃ ᐱᓕᕆᐊᑦᓴᕐᒥ ᒪᒃᑯᑦᑐᓂ ᐱᖃᓯᐅᓪᓗᒋᑦ ᐅᓄᕐᓂᖅᓴᐅᓗᑎᑦ ᑕᑯᓐᓇᕈᓐᓇᕐᓂᐊᖅᑐᑦ ᖁᕕᐊᓲᑎᖃᕐᓂᕐᒥ.

Sign Up for Our Newsletter

Sign up today to stay informed and get regular updates about NCTR.

NCTR’s spirit name – bezhig miigwan, meaning “one feather”.

Bezhig miigwan calls upon us to see each Survivor coming to the NCTR as a single eagle feather and to show those Survivors the same respect and attention an eagle feather deserves. It also teaches we are all in this together — we are all one, connected, and it is vital to work together to achieve reconciliation.